عجينة صيد السمك

في البوست ده هنشرح مع بعض اكتر من طريقه لعمل العجينه كطعم للصيد صيادين كتير بتحاول تشوف بديل لدود الارض وكمان مش مكلف وانا في راي صيد العجين انا بسميه الصيد النظيف والصياد اللي مجربش صيد العجين انصحه بالتجربه ومعكم طرق عمل العجين وتحضيرها للصيد..

#الطريقه_الاولى : عجينه ع البارد لينة

مكوناتها : 1  كوب دقيق - 1ملعقه من الزيت - 1ملعقة من السكر 

تحضير عجينة الصيد :

نمزج السكر بالدقيق أولا وحدهم ثم يضاف الزيت ثم يتم زيادة الخليط بالماء تزود شويه وتعجن ولو محتاج زود بس حبه حبه حتي تصبح عجينه متجانسة  و تكون جاهزة وتستدل علي ذلك بانه عند مسكها لا تعلق بالاصابع .

#الطريقه_الثانية : العجينه المستويه ( تطبخ )

مكوناتها : 1 كوب من الدقيق - 2 ملعقة من النشا - 1ملعقة من الزيت - 1 ملعقه سكر

تحضير عجينة الصيد :

يتم خلط النشا و السكر و الدقيق ويتم التقليب ثم إضافة الزيت للحصول علي عجينه سائلة ثم ترفع علي نار هادئة  مع التقليب المستمر حتي تصبح غليظه القوام و اذا كانت العجينة لازالت سائلة اضف كمية اخرى من الدقيق ( كميات صغيره ) الى ان تصبح غليظة القوام .

#الطريقه_الثالثة : عجينه مطبوخة

مكوناتها : 1 كوب دقيق - كوب الا ربع ماء - ثلاث ملاعق زيت - ملعقة سكر

تحضير عجينة الصيد :

يتم وضع المياه مضاف إليها الزيت على نار متوسطه حتى تبدأ فى السخونة وليس الغليان … بمعنى أول ما تلمح المياه هتبدأ تسخن ويظهر على وش المياه فقاقيع هنضيف عليهم الدقيق و ملعقة السكر .

وتقوم بالتقليب المستمر حتى تماسك العجينة ويمكن إبعاد القدر عن النار لحظة لحين تماسكها وترجعها تانى على النار وتتحسسها بإيدك عشان تعرف انها اصبحت جاهزة .

لا تقوم بتعبئتها فى اى علبة الا بعد ان تبرد تماما..